Þorkelsstofa
Þorkell Sigurbjörnsson
Þorkell Sigurbjörnsson (16. júlí 1938 – 30. janúar 2013) er eitt af höfuðtónskáldum Íslands. Verkasafn hans telur yfir 300 tónverk og hafa mörg þeirra verið hljóðrituð og gefin út. Verkasafn Þorkels er afar fjölbreytt en hann samdi hljómsveitarverk, kammerverk, einleikskonserta, barnaóperur, kammeróperu, raf- og tölvutónlist ásamt fjölda kórverka og sálmalaga.
​
Þorkell miðlaði tónlist í útvarpi um árabil og var einnig ötull í félagsstörfum. Hann var meðal annars formaður Tónskáldafélags Íslands um árabil, formaður Musica Nova 1964 - 67 og forseti Bandalags íslenskra listamanna 1982 - 86. Hann var einn stofnenda Íslenskrar tónverkamiðstöðvar og var stjórnarformaður frá stofnun hennar árið 1968 til ársins 1981. Þorkell sat í stjórn STEFs um árabil og var einnig framkvæmdastjóri og stjórnarmaður Listahátíðar í Reykjavík um skeið.
Ævistarf og verkasafn Þorkels er mikilvægur hluti af tónlistarsögu og menningararfi Íslendinga og eiga verk hans meðal annars tvímælalaust þátt í að vekja athygli á því sem Íslendingar hafa fram að færa á heimssviði tónlistar.
um Þorkelsstofu
Þorkelsstofa er óhagnaðardrifið hagsmunafélag, stofnað til að safna, varðveita og miðla höfundarverki og ævistarfi Þorkels Sigurbjörnssonar tónskálds.
​
Þorkelsstofa …
… skráir verk Þorkels og gerir þau aðgengileg flytjendum og öðrum áhugasömum
… safnar heimildum tengdum verkum Þorkels og ævistarfi
… veitir leyfi fyrir notkun á verkum Þorkels
… miðlar verkum og ævistarfi Þorkels með útgáfu, sýningum og öðrum leiðum sem henta hverju tilefni
Forstöðumaður Þorkelsstofu er Valgerður G. Halldórsdóttir
(vala@thorkelsstofa.is/s. 8200 999).
​
hafa samband
Vinsamlegast sendið póst á forstöðumann Þorkelsstofu, Valgerði G. Halldórsdóttur (vala@thorkelsstofa.is) ef þið eruð með fyrirspurnir varðandi verk Þorkels Sigurbjörnssonar eða eigið annað erindi við Þorkelsstofu.